الثلاثاء، 31 يوليو 2012

الفنانة والنجمة الصاعدة هنا شيحا مسلسل طرف ثالث




























أعجبني دورالفنانة والنجمة الصاعدة
هنا شيحة في مسلسل طرف ثالث2012م
 اللي بتحب في المسلسل النجم محمود عبدالمغني
وهو واضح انه مش محدد موقفه منها
هي بتقوم بدور رائع لبنت الحارة المخلصة للراجل اللي هيكون
زوج المستقبل واللي مشيفاش غيره واللي لايمكن تفكر في حد بعده ...انما مش عاجبني معاملة محمود عبدالغني ليها
انما الدور عايز كده ...
بتأدي دورها على طبيعتها
مبتمثلش تحسس المشاهد انه هي هي البنت صاحبة الدور.
وهي متميزة
عن ممثلات كتير حلوين انما مبيعيشوش الدور

لكن هنا شيحا مختلفة

الاثنين، 30 يوليو 2012

أعيدوا نشرة أخبار الفراخ في قناة القاهرة والناس

موجز أنباء الفراخ








نشرة اخبار الفراخ

هي عبارة عن فرختان تذيعان مجموعة من الانباء
المحلية والعالمية بأسلوب كوميدي
وقد ذكرت أن الكوميديا يجب ان يكون وراءها هدف
خاصة في البرامج التلفزيونية
ثم تعلق على الخبر عن طريق القافية المصرية
المضحكة معتمدة على سرعة الفهم لدى الجمهورالمصري
اللي بيفهمها وهي طايرة
في الحقيقة استمتعنا كثيراً بهذا العمل الفني الرائع
ونتمنى ان تستمر نشرة اخبار الفراخ

واذا كانت قد منعت فنرجوا اعادتها
مع منح مقدموها مساحة من الحرية


كانت أول حاجة بنشوفها بعد الفطار
على قناة القاهرة والناس
في رمضان 2012
 رائعة جداً

شكراً لمن قدموا لنا هذا العمل الفني
ولمن قام على اخراجه
على الصورة الرائعة
التي كنا نشاهدها









الأحد، 29 يوليو 2012

حمدي قنديل انت خلاص نسيت برنامجك رئيس تحرير وحشتنا



       الاعلامي الكبير الاستاذ حمدي قنديل

انت فين ....وفين برنامجك رئيس تحرير اللي كنت بتحلل فيه كل خبر كما يجب ان يكون

نفسنا  برنامج رئيس تحرير يرجع تاني



مسلسل شمس الأنصاري




مسلسل شمس الانصاري

بطولة الفنان الكوميدي محمد سعد المسلسل جميل وان وجدت فيه بعض التحفظات

انما محمد سعد بيقوم بأكثرمن دور

وهو رائع

ايه اللي بيشد الراجل للمرأة ؟ فيه اختيارات





يا ترى ايه اللي بيشد الراجل للمرأة ؟

هل:

1ـ مقدمتها الثقافية

2ـ خلفيتها الحضارية

3ـ كلها على بعضها

4ـ قوة شخصيتها

5ـ ثقتها في نفسها

6ـ بساطتها وطيبتها

7ـ جرائتها ولباقتها

8ـ حجاب اخلاقها

9ـ تميزها واختلافها

10ـ جمالها الداخلي وتناسق مظهرها

11ـ جسمها قوامها لون بشرتها مع مواصفات اخرى

12ـ  البرفان اللي بتستعمله

13ـ رشاقتها وخفتها

14ـ طموحاتها وحبها للحياة

15ـ عقلها وسعة أفقها 



ولا ايه ؟ !!!

برنامج سمر والرجال وسؤالها الجريئ الفرق بين الرجل والدكر؟


سألت الاعلامية سمرأحد ضيوف برنامجها : هو ايه الفرق بين الرجل والدكر ؟

أقولك

الفرق بينهما في :

الغيرة المقبولةعلى الزوجة والحبيبة والاخت والام وبنت الجيران وبنت البلد

رعاية الاسرة

تحمل المسئولية

الكلمة الواحدة والمبدأ

المروءة والشهامة والجدعنة

أخذ الحق ولو من بين انياب الأسد

الثقة في النفس وفي الاخرين

القوامة في بيته 

احترام الاخربالاحترام المسبق للنفس 

ممارسة الحب والرومانسية  في الاطارالسليم كما وكيفاً

حب الوطن والدفاع عنه والاخلاص له 

القيام بمهام عمله  

كل دي فروق موجودة في الدكر






هل نسينا عبارة السلام 98 الغريقة ؟!





هل نسينا هؤلاء الشهداء الذين استشهدوا غرقاً في البحر الاحمر نتيجة

الاهمال

اللامبالاه

الكسب ولو على جثث الأبرياء

كلنا يعرف ان تلك العبارة المفروض انها قد استهلكت
وأن عمرها الافتراضي قد كان قد أوشك على الانتهاء
بموجب تقاريرمعينة
وان لها عدد معين من الادوار
وأن أعداد الحجاج حمولتها كانت أضعاف العدد المسموح به
وأن أخرتقريرفحص لها أوصى بابعادها عن الرحلات والملاحة

التوصية

يجب معاقبة الجناة والمسئولين

العمل على الا تتكرر مثل تلك الحوادث  










السبت، 28 يوليو 2012

تحفظ واستلهامات ونقد على خلفية مسلسل خطوط حمراء




احمد السقا


ضبطية 1 القبض على دياب




هل زوجة حسام خدت غفوة فوق الياخت ؟
ولا كانت لامؤاخذة  مبتشوفش ؟
وعلى افتراض انها كانت لامؤاخذه عميه مبتشوفش طب مبتسمعش كمان صوت اللانش اللي ماشي جنبها مش هنقول جاي عليها وعليه وجوه بلطجية أو ناس يالطيف .
وتخيل المشهد اللي جاي وصوت اللانش فيه


هل اللانش ده ملهوش صوت ؟!
ايه موقف البني ادم اللي كان فوق الياخت لحظة رؤيته اللانش اللي فيه الحاج منصور جاي عليه؟
هل كان الياخت لوحده في البحر ولا الياختات كانت بتجري جنبه زي الرصيف والعربيات علشان يبقه عادي لما تقف عربية فجأة وينزل منها ناس ويطبوا على اللي فوق الياخت ماهو رصيف مش بحر يا اختيييييييييييييييييييييي؟

وازاي مرات ضابط شرطة لما تشوف  لانش وقف جانب الياخت متندهش على جوزها
أولما تشعر بخوف متجريش عليه ؟

وهو فين احتياطات الامان وازاي ضابط شرطة ناجح وذكي يمشي وهو نايم ده على اساس انه هو لم يسمع اي صوت للانش
ولا يمكن اللانش كان كاتم صوت ؟!!!!
وكمان فين مسدسه اللي المفروض انه لا يفارقه ...
على فكره اخراج المشهد ده
باين جداً انه تمثيل محض بصراحة واكيد انتم ركبتم ياخت قبل كده ده اقل صوت لاي لانش بيمر جانب منك صوته يصحي النايم
وكمان تبقه كاشف البحر وانت على السطح .

انما المشهد رائع والاداء التمثيلي فوق الوصف لانه بجد شد المشاهدين لدرجة انهم محسوش بالكلفته اللي حصلت .

احد مشاهد مسلسل خطوط حمراء والذي يجسد فيه النجم أحمد السقا دور ضابط شرطة استطاع انه يقبض على دياب متلبس

لكنه اخطأ عند اطلق الرصاص على احد المصابين
كان هذا خطأ




لان المفروض ان ضابط الشرطة هدفه هو انه يقبض على المتهمين والمتهم اخودياب كان جريح مصاب بطلقة رصاص
فجه احمد السقا وخلص عليه بطلقة رصاص ثانية
أمام أخيه
فجاء منصور ابودياب قرر انه ينتقم من احمد السقا
وبالفعل وصلوا اليه وكان مع زوجته في البحر على ياخت
بعد ان قالت له انها حامل
نزل يجهزلها أكل طلع مقدرش يعمل حاجة لانهم قتلوها
قدام عنيه


احمد السقا مع يسرا اللوزي 

قتلوا مراته قدام عنيه ونسي انه هو قتل اخو دياب(منذر ريحانه )  قدام عنيه
وقال للواء رئيسه انه لازم ينتقم

وقال لأخوه ضابط الشرطة انه هينتقم منهم ميري وملكي

ودي كلمة ليها خطورتها

ميري معناها انه هيستغل سلطته كضابط شرطة في انه ينتقم
وملكي يعني هينتقم وهيتشفى

مش هنقول ان ضابط الشرطة يعزل انسانيته عن مهنته
لكن لايمنعه ماوقع عليه من رد فعل الاخراللي هو اصلا
السبب فيه من انه يقيم العدل ويقوم بدوره ويؤدي مهنته
بانه يسلمهم للعدالة ولايقوم بدور الشرطي والقاضي في ان واحد .

انا تأثرت في الحلقة دي وزعلت على سلمى
وعذرته

ازاي مراته تتقتل قدام عنيه انما برضه زعلت على اخو دياب
الجريح بدل مايطلب له الاسعاف يخلص عليه برصاصة كمان
وده كان خط أحمر تجاوزة الضابط احمد السقا في المسلسل
وعندما اطلق الرصاص على رجل أعزل هو منصورفي الضبطية الثانية
كرد فعل لاستفزازه له وتذكيره بمقتل زوجته وكان سيتسبب
في قتل ضابط معه في المهمة .




و المسلسل اسمه ايه

خطوط حمراء





الجمعة، 27 يوليو 2012

كل عام وانتم بخير بمناسبة شهر رمضان 2012م




كل سنة وانتم طيبين وبخير بمناسبة الشهر الكريم شهر رمضان
اللي  أوله الجمعة20/7/2012م 

جعله الله خير وبركة على بلدنا


 

تحفظ على خلفية اصابة عامل واحتراق منازل في مشكلة بالبدرشين حادث فردي ( بأمانة المسيح )

مصر ستبقى وسيبقى شعبها نسيج واحد ولن تؤثر فيه الفتن
فلتموتوا بغيظكم يا من تنفخون في الرمادويامن تريدون لبلدنا الفتنة نحن شعب واحد نسيج قوي لايتأثربتلك الشرارات
لقد تعمدت أن تكون الصورة الرمزية هلال وصليب لاحذر دائما بأنه يوجد من يكرهون مصرولايريدون لها الا الفتنة قاعدين على ودانهم عايزين يسمعوا اي حاجة قاعدين على التلاكيك  انهم
يتعبون كثيراً ويجهدون أنفسهم لكي ينالوا من الوحدة الوطنية لهذا الشعب العظيم أكثر من تعبهم لاجل ان يرتقوا ببلادهم .


 


يا ابن بلدي يا مصري ، يا انسان ، يا مسيحي أستحلفك بأمانة المسيح عليه السلام وبحبك له انك لما تتكلم عن مشكلة عادية حصلت بين مصريين ولاد بلدواحده ، ولاد حاره واحده ، جيران من سنين طويلة ، اتربوا مع بعض ، وعاشوا مع بعض ، ولعبوا مع بعض وهمه صغيرين ، وأكيد فاكرين لبعضهم مواقف شهامة ورجولة ولاد الحارة الواحدة والمنطقة الواحدة ، والقرية الواحدة أستحلفك بأمانة المسيح انك تتناولها من منظورالاية التي في الانجيل اللي بتقول : ( ان اخطأ اخوك فعاتبه فاذا تاب فاغفرله وان اخطأ اليك سبع مرات في اليوم وعاد
اليك سبع مرات قائلا انا تائب فعليك ان تغفرله )
انجيل لوقا 17،16



وسؤالي

لماذا لاتعمل بتعاليم السيد المسيح فلو انك عملت بها ماتركت
هؤلاء المترصدون الحاقدون المستفيدون والباحثون حول ثغرة يضعون فتنتهم لتفتيت جسد الوحدة الوطنية لنسيج مصر الواحد
وطالعوا الخبر ...
مثل هذا الحاقد الذي وضع علامة ×  على صورة الهلال والصليب .

وأخيراً ماذا يقول لك أبونا القس داخل جدران الكنيسة
انه لاشك يدعوك الى المعاملة الطيبة مع اخوانك
المسلمين ...أم أنه يفعل العكس ذلك ماستثبته
معاملتك مع جيرانك ومع اصدقائك ومع الجميع .

وانت
يا ابن بلدي يا مصري ، يا انسان ، يا مسلم أستحلفك بالله العظيم وبحبك له ولرسوله صلوات الله وسلامه عليه انك لما تتكلم عن مشكلة عادية حصلت بين مصريين ولاد وطن ، واحد ولاد حاره ، جيران من سنين طويلة ، اتربوا مع بعض ، وعاشوا مع بعض ، ولعبوا مع بعض وهمه صغيرين ، وأكيد فاكرين لبعضهم مواقف شهامة ورجولة ولاد الحارة الواحدة والمنطقة الواحدة ، انك تتناولها من منظور الحديث الشريف( أغفروا يغفر لكم )
وسؤالي

لماذا لاتعمل بتعاليم الاسلام  السماحة واليسر فلو انك عملت بها ماتركت
هؤلاء المترصدون الحاقدون المستفيدون والباحثون حول ثغرة يضعون فتنتهم لتفتيت جسد الوحدة الوطنية لنسيج مصر الواحد
وطالعوا الخبر ...
مثل هذا الحاقد الذي وضع علامة ×  على صورة الهلال والصليب .
وأخيراً ماذا يقول لك سيدنا الشيخ داخل جدران المسجد انه لاشك يدعوك الى المعاملة الطيبة مع اخوانك
المسيحيين ...أم أنه يفعل العكس ذلك ماستثبته
معاملتك مع جيرانك ومع اصدقائك ومع الجميع .
وصف ماحدث في دهشوربالبدرشين



مشكلة بسيطة مع مواطن مصري مكوجي ومواطن مصري كهربائي في دهشوربالبدرشين



ليه تم تحويلها وتصنيفها بحسب الدين في جميع المنتديات هو من امتى المصريين
بيتعاملوا مع بعض بحسب الدين

واحد مكوجي حرق قميص لواحد كهربائي

هومش من حق صاحب القميص المصري انه يطالب بحقه من المكوجي المصري ؟ أويعاتبه
أو انه يتكلم ليه المكوجي ميعذروش ويقوله عنيا ليك 
واللي تطلبه هديهولك 
تصدقوا لو قالوا البق ده هيقوله فداك القميص وصاحب القميص .

وبعدين ولاد حتة وحدة وجيران شوف من كام سنة
قال ايه واحد كاتب على ياهو
عنوان يحرق الاعصاب ...المفروض انك تكتب تهدي
...تعالج.....تصلح .....يقولك هدم منازل شوف الكذب
 وبيكبروا الصغيره

أقولك المشكلة مش عندهم لان المناطق دي واحد بيتخانق مع واحد فطبيعي ان اخوات واولاد عم كل واحد يتدخلوا . انما الصح ان التدخل يكون بالاصلاح  
انما الخناقات
عادي
الاخ بيتخانق مع اخوه ويرجعوا يتصالحوا تاني

 بتحصل بين مصريين 
مسلمين في بعضهم مفيش حد بيحس بيهم 
انما لما المشكلة تكون بين مسلم ومسيحي 
ليه النظرة بتكون مختلفة؟!

بتختلف ليه؟

المفروض انهم اخوات وجيران يتخانقوا ويرجعوا يتصالحوا

انما اللي بينفخوا في الرماد واللي لابسين نظارات
عايزين يشتغلوا لان عملهم هو الفتنة لكنهم ابداً
مش هيوصلوا لاغراضهم الدنيئة لان

مصر ستبقى وسيبقى شعبها نسيج واحد ولن تؤثر فيه الفتن
فلتموتوا بغيظكم يا من تنفخون في الرماد


كلنا مصريين

 ( الدين لله والوطن للجميع )


كلنا مصريين نسيج واحد شعب واحد







































الخميس، 26 يوليو 2012

ايه حكاية القطارات ؟ لازم نفتح عنينا





ايه حكاية القطارات
النهاردة رئيس سكك حديد مصر بيقول

( لا خسائر في تصادم قطاري الجيزة )

بس لو كانوا دراجتين صدموا بعضهم اكيد كان هيكون فيه
كاوتش فرقع مثلاً السواق صباع رجله اتلوح ...
لكن نحمد ربنا على كل حال ....

في 17/7/2012  خروج قطار القاهرة سوهاج عن قضبان السكة الحديدية في محافظة الجيزة مما أسفرعن وقوع  عدد من الضحايا

وفي 18 /7/2012
يعني نفس الشهرفي محافظة قنا عربة قطارمميزة تخرج عن قضبان السكة الحديدية دون اصابات بين الركاب .

يعني مفيش ولا وحدة ست ولا طفل حسوا بالفزع  ولا حد قال يالهوي مفيش ولا حد خاف ايه الشجاعة دي؟! 

لكن برضه ربنا ستر ولطف والحمد لله .

ايه الحكاية دي ؟!

اسميه ايه قياس نبض ولا ايه

وفين الشباب يراقبوا اللي بيحصل في القطارات
لان الشرطة عليها عبئ كبيرربنا يكون في عونها
يعني مثلا انت كشاب لو كنت متواجد في اي محطة
 وشوفت حاجة غريبة
واحد مثلا لابس ملابس عمال السكة الحديدية
أوعدد معين منهم فيلم بأه  
وبيفك القاطرات ده على اساس انه بيفك زرار قميص أو مثلا معاه ولاعة وهو مبيشربش سجاير. حتة كده ...ممكن كده تصورهم بتلفونك وده مش هيحصل لان اللي بيعملوا
كده اكيد فاهمين شغلهم ومبيسيبوش وراهم اي حاجة
ليه بتقول كده ؟!

اصلها عمرها ماحصلت للقاطرات قبل كده الا يادوب من 7 الى 8 مرات وكانت كوارث نقول اهمال برضه ومصايب كبيرة وكلها كان فيها ضحايا انما على مدى 9 سنوات تقريباً في عهد ماقبل الثورة ودي مكنتش مجرد حوادث دي كانت كوارث زي ماقلت

وده يوحي بأن فيه ناس كانت بتشتغل على القطارات

انما لما تحصل حوادث لاترقى الى مستوى الكارثة
يعني حجات بسيطة عربية قطار تخرج عن القضبان
مثلا لانها زهقت من الروتين ... أو لانها عايزة تمشي على حل صواميلها

ولما يتكرر ده 3 مرات في شهر ده ميخليناش نعيد نظر
ميخليناش نهتم
ميخليناش نتكلم
كلنا لينا اقارب بيسافروا قبلي وبحري
من حقنا اننا نخاف عليهم

بيقولوا الاهمال اللي بيحصل دلوقتي في السكة الحديد
مبيخوفش انما مين عالم ...

والاسئلة :


ـ لماذا لايتم تكوين شرطة خاصة بالقطارات لتأمين القطارات..ماهو العمر واحد
وكل واحد عايز يركب القطار من غيرخوف ومش معقول الواحد يركب القطار وعينه في وسط راسه وكأنه عليه طار؟!

ـ من المسئول عن سلامة أرواح المواطنين ؟!

أقولكم على حاجة

للاسف اتعودنا عليها هو ان الشرطة بتوصل بعد وقوع الحادث
تعاين وترفع البصمات وتعمل محضربالحادث والذي منه
وتبحث عن الجناه مرتكبي الحادث ...

لماذا لاتصل قبل وقوع الحادث ؟!
إزاي ؟

انا معرفش ازاي؟

كل اللي اعرفه ان

دي مسئوليتها ؟!
حماية فاهم يعني ايه حماية أرواح المواطنين وممتلكاتهم
والممتلكات العامة ؟!

 ـ لماذا لايتم التشديد على تأمين القطارات والتأكد من سلامتها
قبل مغادرتها المخازن الخاصة بها؟!

 فاكرين قطار الصعيد رقم 832 المتوجه من القاهرة الى أسوان يوم 20/2/2002 حيث اندلعت النيران في احدى عرباته الخلفية ثم امتدت النيران لتناله كله كان الركاب يأملون أ يقضوا عطلة العيد عيد الاضحى المبارك بين اهليهم وذويهم وأقاربهم في الصعيد لكن يد الغدر والخسة والخيانة للوطن كانت قد نالت منهم ليرتفعوا شهداء والمطلوب هو التحقيق وفتح ملف احراق قطار الصعيد والعبارة السلام 98 فمصيبتها أكبرأيضاً .










هذا هو قطار الصعيد الحريق من الداخل أطفال احرقوا ونساء وعجائز أين سيذهب هؤلاء القتلة
من ضمائرهم ان أرواح هؤلاء الشهداء سوف تطاردهم ما كانوا احياء .
أصعب مصيبة هي مصيبة قطار الصعيد الذي تم احراقه عمداً على يد مجهولين ليلة عيدالاضحى المبارك ماذا كان هدف هؤلاء الذين احرقوه ليموت شهيداً فيه حرقاً أكثرمن خمسة ألاف مصري تقريباً .

الناس اتفحمت جواه تخيل كل واحد من الناس دي كان عنده أمل
في الحياه



 وواحد كانت خطيبته مستنياه

وواحد هو وخطيبته

وواحد كان راجع علشان يشوف أبوه وأمه وأخواته وأهله وأولاده

وواحد عايش في القاهره مراته قالتله

تعالى نقضي عيدالاضحى في الصعيد مش عارفه

انها هتركب قطارالموت

وشاب هو أمل أمه وأبوه كان بيشتغل في القاهرة

وواخد اجازه وفرحان انه راجع لهم 


وسؤالي :

هو ليه في حديد على شبابيك القطار مش الزجاج كفاية
علشان
يبقه فيه امل انه يضرب الزجاج بايده ويقفز 
الحديد ميمنعهوش ....

سؤالي :

هل عندك استعداد انك تشاهد كارثة مشابهه لما حدث لقطار الصعيد 2002 م  ؟!
ومش شرط القطارات كل وسائل المواصلات لان الاهمال مايزال موجود

لكن

أملنا كبير إنه يتم القضاء على الأهمال
بوجه عام .

في عصر النهضة القادم








































































كل عام والمصريون بخيربمناسبة الذكرى الـ60 لثورة 23 يوليو1952

بمناسبة الذكرى الـ60 لثورة 23 يوليو1952م


لقد كانت ثورة عظيمة ، تلك التي مرعليها 60 عام ، كانت ثورة ضد الظلم والاستبداد ، والملكية ، ثورة قام بها الضباط الاحرار
في القوات المسلحة المصرية ، كان أوائل من استفاد من تلك الثورة هم الفلاحين والفقراء وباقي الشعب المصري ...

كان لهذه الثورة مبادئ ومقدمات منها:

1ـ القضاء على الاستعمار واعوانه 
2ـ القضاء على الاحتكاروسيطرة رؤوس الاموال
3ـ القضاء على الاقطاعيين
4ـ اقامة جيش وطني قوي
5ـ اقامة حياة ديمقراطية سليمة
6ـ اقامة عدالة اجتماعية


ولقد تحققت تلك المبادئ جميعها في تلك الثورة العظيمة ...

وفي مقدمتهاقانون الاصلاح الزراعي والذي حدد ملكية الاقطاعي بـ200 فدان ثم خفضت الى 100 فدان والباقي يوزع على الفلاحيين .وتم الغاء النظام الملكي واعلان الجمهورية واقامة جيش وطني قوي....وبناء السد العالي ....

وكان أول رئيس لمصربعد الثورة هو:

اللواء محمد نجيب 

ثم بعده

جمال عبدالناصروالذي تم في عهده كل انجازات الثورة ...


وتوجد ثورة عظيمة حدثت في 25 يناير2011م

فهي شعبية قام بها الشعب المصري ووقفت القوات المسلحة

والتي هي درع واقية للوطن 

كانت أيضاً درعاً واقية للشعب تركته يمارس حريته 

ويختار بمحض ارادته من يمثله وتم بالفعل اختياررئيس الجمهورية بمحض الارادة الشعبية هوالدكتور محمد مرسي .   
وكلنا أمل ان تتم أهداف  ثورة 25يناير2011م
وأهمها

منح مساحة واسعة للحريات العامة
اقامة عدالة اجتماعية
اقامة حياة ديمقراطية سليمة
تكافؤالفرص
تفعيل جميع الخدمات
توفيرفرص عمل للشباب
توفيرالمساكن الشعبية قبل هدم البيوت المخالفة
حد أدنى للمرتبات 1200جنيه مع خفض الاسعار
القضاء على مشكلة الأمية بمافيها أمية الحاسب الالي
إيجاد حلول لمشكلة النظافة
الإهتمام بالتعليم وتطويره ليواكب التعليم في أوربا وأمريكا

كل ذلك وأكثر نرجوا أن يتحقق في عهد

سيادة الرئيس محمد مرسي 


والله ولي التوفيق

نشرة اخبار الفراخ في قناة القاهرة والناس كوميدية رائعة

موجز انباء القاهرة والناس


برنامج كوميدي يبدأ الفراخ بموجز الانباء

ثم يدخلوا لبعض قافية

بطريقة كوميدية مضحكة جداً

ربما لايعلم الجمهور ان فريق العمل يجهدون ويتعبون من اجل
خروج البرنامج بهذا الشكل الكوميدي الرائع
فشكرا للمؤلف
وشكرا للمصور
وشكرا للمخرج
وشكرا لجميع فريق العمل خلف الكامير
وشكر خاص للفنانين اصحاب أصوات الفراخ



وعلى فكرة البرنامج جريئ

وممتاز بس ياريت يستمر طوال شهر رمضان 2012





برنامج سمر والرجال على القاهرة والناس

برنامج سمر والرجال



هو برنامج رائع 

 تقدمه بنت رائعة اسمها سمر



تتمتع بمجموعة مقومات أنثوية عالية الجودة ، مما تدفع بالضيف نحو اللجوء الى التركيز رغم أنفه 


لان جمالها كما ذكرت يطيرالعقل



 كما ان لها تسريحة معينة جميلة جداً ...وان لها ذوق راقي في اختيار ملابسها تلك التي تظهربها في البرنامج ... 

هو المفروض مقدمة البرامج تكون أقل جمالا علشان الضيف يعرف يتكلم وكمان بتكلمه في حجات مش اي حد له جراءة انه يتكلم فيها ...

انما سمرجميلة على بعضها كلها حتة وحدة موز ، وعنيها فيها بريق وشعرها و....

ايه ده كله ايه ده كله .



مسلسل الخواجة عبدالقادر مسلسل ممتاز ولايوجد به أي أخطاء

                          
نحن نعلم مكانة ومنزلة الفنان القدير يحي الفخراني عند جمهوره وأعماله الرائعة فقد قدم أفلام كثيرة ومسلسلات ومسرحيات كلها ناجحة ...أما هو فهو فنان قدير له قدرة منفردة في تجسيد الادوار 
وعلى سبيل المثال وليس الحصر لان اعماله كثيرة ...شاهدناه في  مسلسل عباس الابيض هذا المسلسل الذي احبه ويحبه الكثيرون من المشاهدين لقد كان رائعاً ويمكن القول بأن مسلسلا كهذا لايمكن ان يصاب مشاهد بشيئ من الملل لمشاهدتهحتى ولو للمرة الألف ...

أما المسلسل الرمضاني الذي نشاهده في رمضان 2012 الخواجة عبدالقادر فهو مسلسل رائع وان قيل انه يؤخذ عليه أن الخواجة عبدالقادر يتكلم اللغة العربية الفصحى ...

ان كلام الخواجة عبدالقادرباللغة العربية الفصحى يحسب له  ولو تكلم بالعامية لكان يحسب عليه وليس له لانه المفروض انه جاي من انجلترا مش من حواري مصر علشان يتكلم العامية الا اذا قضى سنوات طوال في مصر كما انه اذا قضى مصري سنوات طوال في بلد تتكلم لغة معينة فانه يتشرب تلك اللغة أو تلك اللهجة
دون ان يتكلم اللغة الفصحى لتلك البلد...والبديهي ان كل لغة لها الفصحى الخاصة بها فالانجليزية مثلا الفصحى تتمثل في اللاتينية الجامدة ...تشبه اللغة العربية الفصحى الجامدة ...

كما ان كلامه(الخواجة عبدالقادر) بالفصحى يسهل ترجمته للغات المختلفة وهو مسلسل يستحق بجدارة ان يترجم ....أما العامية فهي من الصعوبة ان تترجم للغات المختلفة لانه توجد كلمات في العامية ليست لها ترجمة ... بخلاف اللغة العربية الفصحى فكل كلمة وجملة لها ترجمتها ... 

فهذا طبيعي ان يتكلم الاجنبي للغة العربية الفصحى التي يتعلمها في المدارس الاوربية ...كما انه من الطبيعي ان نتكلم نحن المصريون اللغة الانجليزية الفصحى التي درسناها في المدارس
كتكوين الجملة من فاعل فعل مساعد فعل اصلي ظ مكان ظ زمان
الخ ...انما اللغة العامية الانجليزية لاتهتم بكل ذلك ...

وخلاصة القول: مسلسل ( الخواجة عبدالقادر) مسلسل رائع ..